Hashim Thaçi
Hashim Thaçi (哈希姆·薩奇) smmalu patas
Mntucing hngkawas 1968 idas 4 jiyax 24 ka Hashim Thaçi ga, empklaw ka hiya.
Bukung klwaan Kosovo ta sayang o kiya ka Hashim Thaçi, pnaah hngkawas 2016 idas 4 jiyax 7 pnrajing kmlawa klwaan.
Hasimi Taci（哈希姆·薩奇） smmalu patas
Hasim Taci (Kari Albania: Hashim Thaçi, kari Serbia: Hašim Tači, kngkawas 1968 idas 4 diyax 24－), Kosovo seyjicya, brah soto Kosovo, kiya uri u ntumal brah Yugoslavia Kosovo Dukuricu Undo niya. Kiya ka Kosovo dukuricu na Bukung Kosovo Mincu Tang mi sediq Albania dmudul na brah Kosovo Heytay Pnltadan mpdudul niya. Hasim Taci u mniq kngkkawas 1990 pnrdingan u mnuyas Pyasan Tubeyhing Prishtina cida, kiya ka hantay Serbia Congyang Seyhu na cicin laqi muyas. Hasim Taci u mniq kngkawas 1993 tumal mniq Switzerland Zuric na Kosovo llutuc Albania seyji undo, kiya mi pssli Kosovo Hedytay Pnltadan, dmudul spuda biyax mcbu meysa dukuricu Kosovo. Bukuy daw ini dhuq 1 kngkawas ka kcka diyax wada qmlahang tuhunac Serbia hbaraw sediq Albania ka mnou Sng 1/4 dxral niya nniqan. Kngkawas 1997 idas 7, Prishtina cida, Prishtina (Sotu Kosovo saya) tihwang hoying ini dhuq muda pcahu Hasim Taci niqan spngan pnchuwan 10 knkawas, tnyuwan cumi ka ‘Muda Dmudul Smicu Cuyi’, kiya daw spuda Serbia ka tnpusu Tuhunac Ryeynmong heytay mi keysacu muru pnrngawan knkana lnlingay qnlhangan qm raq Hasim Taci. Babaw niya daw Hasim Taci dmudul Kosowo Heytay Pnltada tnumal kngkawas 1999 na Mccbu Kosovo. Mnhdu mccbu daw UN u snkaul tpaytwan drunanmlahang Kosovo, Hasim Taci daw wada psdhu phiyu Kosovo Mincu Tang. Pnuda mccbu mi wada knbsyaqan kngkawas muda mbiyax muda meysa daw, Hasim Taci na mnKosovo seyhu pa hiti balay daw wada mniq kngkawas 2008 idas 2 diyax 17 mdhu balay pkla kari ptalax Serbia dukuricu, dukuricu dhuq saya wada srwanan knkana qnlhangan Omong mi ssiyaw qnlhangan Albania ka smruwa uri.
Kngkawas 2007 Kosowo Gikay seyngkyo （2007年科索沃議會選舉） smmalu patas
Mniq kngkawas 2007 idas 11 diyax 17 muda kcka Kngkawas 2007 Kosovo Gikay Seyngkyo cida, wada mangal 35% hyo niya ka hantay Tang Kosovo Mincu Tang dndulan dmudul Hasim Taci, smatang musa mniq gikay tu1 knbeyhing Tang, kiya mi ccngtang Kosovo Mincu Ryeynmong u wana balay 22% ka mnnangal dha hyo. Hasim Taci qulung balay mptuhuy Kosovo Mincu Ryeynmong mpsupu muda pssli ryeynho seyhu, kiya mi Hasim Taci u muda mpcongri nbabaw niya ka hiya. Kiya mi mtbiyax balay dukuricu ka Hasim Taci u wada pusa kari, qulung phyuwan congri ka hiya pa, nasi Amirika, Russia mi O Co Ryeymong ka nmdudul uuda Kosovo pprngawan u ini dhqi psbalay, hiya u mpniq nhdanan diyax idas 12 diyax 10 daw, kasi uuda pkla kari dukuricu. Kngkawas 2008 idas 1 diyax 8, Hasim Taci pa balay bay muda tumal pnsung seyngkyo Kosovo Congri. Hasim Taci u 85 hyo mi 22 hyo wada mbiyax ka Hasim Taci, wada mbiyax mangal Kosovo burah Congri ka Hasim Taci, idas 1 diyax 9, Hasim Taci balay bay muda qmpah Congri Kosovo.
Pkla kari dukuricu（宣布獨立） smmalu patas
Mniq diyax tndxral hiya kngkawas 2008 idas 2 diyax 17 babaw cka hidaw 3 ji, Hasim Taci u mniq Kosovo Gikay dmudul kcka tukubeycu kaygi cida Kari Dukuricu Kosovo”. Pnkla kari niyi u pkla Kosovo ka ‘Mincu, Mbabaw Dxral, Kiya mi Knou Kluwanan Minjoku’ na qnlhangan, kiya mi muda smdhu kari kasi ka muda knkana tblayaq smmalu phiyu malu pnluban tuhuy ssiyaw qnlhangan Serbia uri, muda snrnu Serbia u ‘Mnrbuq Mi Kndux Ka Rikisi, Qqpahan Smbari, Ppwaluk Syakay’ kiya u musa mbiyax balay lmutuc pkrana pnluban dha niyi. Babaw niya daw Gikay u muda pyawcwey, babaw cka hidaw 3ji 49pung ka wada muda “Pnkla Kari Dukuricu Kosovo”; hiti dawmniq 3ji 53pung knkana kwohuy giying u uka pnrngawan wada mnhdu psdhuq matas “Pnkla Kari Dukuricu Kosovo”. Hasim Taci u u wada nanaq mdhu balay babaw dukuricu Kosovo daw mwaya balay Congri Kosovo.
Kngkawas 2008 idas 6 diyax 6, 1 cuko dmuwi puniq meycu cnbu Prishtina Sosyang kwanti, smatang phuqil Hasim Taci mi ini pndungus.
Kngkawas 2011 idas 2 diyax 22, Hasim Taci u wada mbiyax mangal Congri Kosovo dungan. Kngkawas 2016 idas 4 diyax 7 Hasim Taci pa wada psdhuwan phiyu Soto Kosovo.
Kngkawas 2020 idas 6 diyax 24, congpu u wa mniq Netherlands Hague na Kwoci Tukubeycu Pankongs pkla kari kokosyo dHasim Keysakuwan Taci mi tnhiqan niya, Kwoci Tukubeycu Keysakuwan Pankongs u tmiyu dsediq niyi pa mniq kngkawas 1998 dhuq 1999 iyax cida snquri Serbia joku, sediq Romu, Kosovo llutuc Albania seyji ini pntna qnita niya u muda mqnaqah cumi mccbu mi cumi smliq pnwaya sediq, wada muda dalih 100ka ndanan dha pphuqil sediq. Idas 11 diyax 5, Hasim Taci u malix qpahun niya Soto Kosovo.
Pnyahan pnatas(參考資料) smmalu patas
Tnhjil kari seejiq Watan Diro(瓦旦 吉洛) mtabug